Yay sonrası Cild baxımı

Yayın istisi və tətil dövrü davam edir. Dəniz, hovuz və günəşlərlə yanaşı, cildimiz də yay günlərində bir qədər zədələnir. Bu səbəbdən, tətil sonrası cildimizi payız və qışa hazırlamaq üçün bir çox baxım tətbiqləri bizi gözləyir. Women's Collective sizə yay sonrası cildimizi payız və qışa hazırlamaq üçün edə biləcəyiniz cild baxımı yollarını yazdı.

Cildinizi payız və qışa hazırlamaq üçün, yay təsirlərinin cildinizdə buraxdığı izlərə görə fərdi bir baxım tətbiq etməlisiniz. Nəm itkisi, ləkələr, dəridə zamanla incəlmə, elastikliyin pozulması (qırışlar), quruluq, kiçik damarların görünməsinin artması – bunlar çoxumuzun yaşadığı problemlərdir… Bu mövzuda cild mütəxəssisləri və dermatoloqlarla əlaqə saxlayaraq cildinizi yeniləyə bilərsiniz.

Əgər cildinizdə günəş ləkələri yaranıbsa, müxtəlif müalicə üsulları ilə bu ləkələrdən xilas olmaq mümkündür. Ləkə müalicəsində kimyəvi pilinq, lazer müalicələri və ləkə açıcı mezoterapi kimi üsullara müraciət edilə bilər.

• Kimyəvi pilinq: Cildin üst qatını soyaraq ləkə görünüşünü azaldır.

• Lazer müalicələri: Ləkələri hədəfləyərək dəri tonunu bərabərləşdirir.

• Mezoterapi: Cild altına ləkə açıcı dərman tətbiqidir. Eyni zamanda daha gənc görünmək və yaşlanma təsirlərini azaltmaq istəyənlər də bu üsulu seçir.

Mezoterapi; üz, sinə və boyun bölgələrinə tətbiq edildikdə kollagen və elastin liflərinin istehsalını stimullaşdıraraq qırışları azaldır. Bağ toxumalarını stimullaşdırır və daha dartılmış bir dəri əldə edilir, sızanaqları və sızanaq izlərini yaxşılaşdırır. PRP isə şəxsin öz qanından edilən mezoterapi tətbiqidir.

İki mərhələli təmizliyi keçməyin

Cildinizin itirdiyi enerjini geri qazanmaq üçün ilk olaraq müntəzəm iki mərhələli təmizliyə başlamalısınız. Həftədə 3-4 axşam tətbiq edəcəyiniz iki mərhələli təmizləmə üsulu ilə cildinizi dərindən təmizləyə, qara nöqtə və sızanaq kimi problemlərin yaranmasının qarşısını ala bilərsiniz. Cildinizi incə şəkildə ölü dəridən təmizləyə biləcəyiniz peeling əməliyyatı da yay sonrası cildinizə yaxşı təsir göstərəcək.

İstifadə edəcəyiniz məhsulların tərkibində olan AHA, cildinizi ölü dəridən təmizləyəcək, BHA isə gözeneklərin dərinliyinə girərək artıq sebumu və kiri təmizləyəcək.

Qidalanma ilə də dəstək verin

Ən vacib məqam isə cildi nəmləndirməkdir. Yay aylarında turşu əsaslı serumlar istifadə etmək, cildinizdə istənməyən ləkələrin yaranmasına səbəb ola bilər. Əgər cildinizi günəşdən qoruyub-qoruya bilməyəcəyinizdən əmin deyilsinizsə, serumu yay sonrası istifadə etmək daha təhlükəsizdir.

Qan dövranını və dəri elastikliyini artıran cihazlarla cild baxımını tamamlaya bilərsiniz.

Bronzlaşmaq məqsədilə günəş altında qalmaq, dərinin su itirməsinə və qurumasına səbəb olur. Bu da dərinin pul-pul tökülməsinə gətirib çıxarır. Dəri tipinizə uyğun nəmləndiricinizi müntəzəm istifadə etməlisiniz. Yay boyunca itirdiyiniz nəmi yalnız xaricdən deyil, həm də daxildən, istehlak etdiyiniz qidalar vasitəsilə təmin edə bilərsiniz. Bol su, yaşıl yarpaqlı tərəvəzlər və E vitamini ilə zəngin qidaları qida proqramınıza daxil etməlisiniz.